मीं छूं पुष्कर ||

मी छूं पुष्कर

इज्या - पुष्करू यय रात का बारअ बजे तलक तू तय डाब मा कि ख़ट - प्याट करना छ , दुसारों को सीन क्या न दीने?

पुष्कर - अरे इज्या तोकण पत्ता छू पुष्कर नाम क लोगो का दिन आय रन  बल |

इज्या - द कटकी र, तय डाब को बंद कर और पड़ जा इज्या |

पुष्कर- इज्या सुण,  थोड़ देर बैठ जा इत्ती | यो बता तूम उत्तराखंड क राजा (मुख्यमंत्री ) को बनने वाल छू ?

इज्या -पुष्कर पुष्कर ज टीवी मा बतु रय्या, उई पुष्कर धामी न जो खटीमा रों  |

पुष्कर - होई –होई

इज्या - लोग त कुमरय्या उत चुनाव हार ग्यो फिर कसकी राज बनल ?

पुष्कर- राज योग  इज्या राज योग, कईको गट करी न भ्यो बस 

परमारथ के कारने पुष्कर धरा शरीर |

हमर संविधान बड़ो लचिलो छ खैर छाड़ यो बहस बस तू एक बात समझ लियो  कि पुष्कर नाम क लोगो का दिन आय रन  बल

इज्या- हूँ हूँ .... अच्छा

पुष्कर- आजकल टीवी मा ‘द कश्मीर फाइल’ नाम क पिक्चर बारीमा खूब चर्चा चल रई | पत्ता छ उ पिक्चर  में पुष्कर नाथ पंडित की कहानी दिखाय रन जो मरन तक कश्मीर वे अनुच्छेद 370 व 35 अ हटा कुनू रयो उसयकी आवाज अब जब बटी मोदी देश क राजा बन्यो, तब मोदी ल  सुण और कश्मीर ब 370 हटा बी सांस ली |जब पुष्कर ले कय तब मोदी ले सुण और बाबू क चेला ले 370 हटाय दिय |

इज्या आजकल त पुष्कर नाम बयार (trend) चल र बल  

बेली टीवी मा एक अल्मोरा क लौड दीखाम रय्या  | इज्या तोके पत्तु छु उयक नव कि छु जो भर्ती हुनाकी वास्ती 10 किमी रातिमा दौड़ लगाम रय्यो उसक नाम प्रदीप मेहरा छ लेकिन उयक दुसर नाम पुष्कर ले छ अरे इज्या पुष्कर नाम लोग जो ले करनान उ trend होय जाव |

अरे इज्या पुष्कर नव वालो का दिन आय रन बल

इज्या ओगला नाम सुण राखी छ उल्लाय बी 3 किमी दूर नारायण  नगर गौ छू | वाक स्कूल मा एक मासाब थिया उनरो नाम ले पुष्कर थ्यो यो करोना बीमारी की आय उ अपना गौ हरखोला आय उनर गौ आन ले गौ मा चमत्कार हे ग्ये संयोगवश या पुष्कर नव ले गौ मे रोड हेलीकाप्टर फील्ड बन ग्यो अरे इज्या जाँ पुष्कर ल  खुट  धरयो वाँ धरती सुण पैद करदी |

इज्या- हूँ हूँ ...

आजी सुण इज्या जो मै नारायण नगर कुमरयों उसय  स्कूल मा एक पतल –पतल 40-45 किलो को एक दूसर मास्टर और छू उ मास्टर क नाम ले पुष्कर भ्यो उ वेचारक कोई न जानन लेकिन हां ऊ बेचार ब्लोगिंग करू और उयक ब्लॉग क नाम let's know more और url  https://www.learningkona.com छू | और 4-5 हजार व्यू हर दिन मिल जाँ और आद एक डॉलर कमाई ले होई जाँव |

इज्या- एक डॉलर बस! एक डालर त परी(पोती का नाम ) ले नी लीज़ा | कूँ एक डॉलर क दुकान क बूबू चिज्जी न दिन बल |

पुष्कर- अरे इज्या कभ्यें कलम दावत हाथ लगाय हुन,  एक डॉलर माने हमर रुपयाको तीन बीसी पन्द्र रुपया हुनान

इज्या- हूँ हूँ

तू मैके क्याखी बतान्मरे मैके कि मतलब को कत कमा? एक कमा, अद्या कमा, डॉलर कमा, रुपया कमा | मैक नींद लागनरय मै सी जाऊ तू ले सी जा इज्या |

पुष्कर- अरे !कि मतलब ?ओहो इज्या अब तक तू नी समझी ,   उ तेर चेल छ पुष्कर यानी मी

इज्या- अब पड़छ  की फोडूं तेर लैपटॉप ...........फिर आल पुष्कर का दिन